23 жніўня ў італьянскім курортным горадзе Ріміні (Rimini) пачаўся Мітынг дружбы
між народамі каталіцкага Руху "Comunione e Liberazione"( уз'яднанне і вызваленне)
Сёлета - ён юбілейны, 30-ты " Meeting" ад ягонага запачаткавання ў 1979 годзе з падназвай
"30 гадоў дыялогу". Тэма сёлетняй сустрэчы "Зведанне - заўсёды важная падзея" Каля
700 тысяч чалавек былі за 30 год уключаныя ў праекты дыялогу цывілізацый. Мэтаю
"Meeting di Comunione e Liberazione " y Ріміні было і застаецца паглыбленне сувязей
культурнага, рэлігійнага і палітычна-плюралістычнага характару між усімі людзьмі добрае
волі дзеля падвышэння міру і свабоды. Мітынг заўсёды вельмі чуллівы да драматычных
сітуацый і гуманітарнай дапамогі, дык запрашае да сябе сведкаў розных падзей - як
жудасных трагедый, так і радасных стваральных выяў сучаснага грамадства. Дыскусіі,
сустрэчы і дакументальныя сведчанні суправаджаюцца творчымі падзеямі: пройдуць канцэрты,
выставы, фільмы. На юбілей прыбудуць на Міжземнамор'е першыя заснавальнікі мітынгу,
а таксама старшыня гэтай арганізацыіі пры ААН, аглядальнік ад Святога Пасаду і прэзідэнт
Фундацыі Мітынгу. «Сустрэча ў Рыміні дазваляе глыбей пазнаць матывы, дзеля якіх
мы павінны быць хрысціянамі ў нашу эпоху, а таксама дазваляе ўзняць пытанні і выклікі,
якія перад вераю ставіць наш час», — чытаем у пасланні, якое ад імя Пантыфіка зачытаў
удзельнікам сустрэчы Дзяржаўны сакратар Святога Пасаду кардынал Тарчызіо Бэртонэ.
Ватыканскі герарх даў пашырaнае тлумачэнне тэмы сёлетняй сустрэчы, у якім невыпадкова
гучыць тэрмін «падзея». Менавіта гэтым паняццем заснавальнік руху кс. Луіджы Джуссані
даваў апісанне натуры хрысціянства, яkoe не з’яўляецца мёртвай дактрынай, але падзеяй
сустрэчы чалавека з Езусам.«Тое ж самае можна сказаць пра чалавечае пазнанне, — заўважыў
Дзяржаўны сакратар. — Бо яно не з’яўляецца нейтральным назіраннем, але сустрэчай з
прадметам даследаванняў. Гэта датычыць нават прыродазнаўчых навук, у якіх „перспектыва
назіральніка з’яўляецца фактарам, які абумоўлівае вынік навуковага эксперыменту“».
«Дзеля таго, каб пазнаць, неабходна мець „сімпатыю“. Любіць жа — гэта значыць мець
жаданне пазнаць. Такім чынам нараджаюцца адносіны паміж праўдай і любоўю», — падкрэслівае
Свяцейшы Айцец у сваім пасланні, адрасаваным ўдзельнікам Meeting di Comunione e Liberazione.