Iran: Indinjatë për torturat kundër kundërshtarëve të arrestuar
Rritet shqetësimi i autoriteteve iraniane për thellimin e krizës politike në vijim,
që po trondit vendin pas zgjedhjeve të trazuara presidenciale të qershorit të kaluar.
Lajmet, që flasin për keqtrajtime e tortura, ushtruar mbi kundërshtarët e arrestuar
gjatë manifestimeve, për t’i detyruar të bëjnë dëshmi të rreme, ka shkaktuar një valë
indinjate në arenën ndërkombëtare. Çmimi Nobel për Paqen, avokatja iraniane, Shirin
Ebadi, i bëri thirrje sekretarit të përgjithshëm të Kombeve të Bashkuara të shkojë
në Teheran për të vërtetuar personalisht shkeljet e të drejtave të njeriut nga ana
e autoriteteve iraniane.