Lirohet ekuipazhi i Bukaner, rrëmbyer nga piratët somalë
(10.08.2009 RV)Mbrëmë u lirua ekuipazhi i rimorkiatorit Bukaner, rrëmyer më
11 prillin e kaluar nga piratët somalë në ujërat e Gjirit të Adenit. Autoritetet
italiane njoftuan sot se 16 marinarë, përfshirë këtu edhe 10 italianë, të cilët para
katër muajve ishin rrëmbyer nga piratët në Somali, u liruan, pasi që piratët u larguan
nga anija e tyre. Ministri i jashtëm i Italisë, Franko Fratini, theksoi se për
lirimin e marinarëve u lajmërua gjatë bisedës telefonike me kryeministrin e Somalisë,
Omar Sharmarken. Anija u rrëmbye më 11 prill në Gjirin e Adenit, me 16 anëtarë
të ekuipazhit, 10 prej tyre italianë, pesë rumunë dhe një kroat. Anëtarët e ekuipazhit
kanë konfirmuar se piratët janë larguar nga anija dhe se tani janë ata që e kontrollojnë
anijen - njoftoi Fratini.