Masakër civilësh në Afganistan dy javë para zgjedhjeve

(06.8.2009 RV)Një atentat i ri sot përgjak Afganistanit: së paku pesë civilë, ndërmjet tyre gra e fëmijë kanë vdekur nga shpërthimi i një bombe të fshehur përgjatë rrugës. Atentati ka ndodhur në provincën e Helmandit. Të gjithë personat e vdekur i përkasin një familje. Kështu vetëm dy javë para zgjedhjeve vendimtare të 20 gushtit të ardhshëm, provinca e Helmandit, teatër i një ofensive të trupave amerikane e britanike kundër milicëve talebanë, përsëri është goditur nga një atentat i përgjakshëm, që ripohon synimin e terroristëve talebanë për të destabilizuar Vendin para zgjedhjeve.

Sekretari i ri i përgjithshëm i NATO-s, Anders Fogh Rasmussen gjatë një vizite në Afganistan, ka pohuar është i vendosur që të zvogëlon numrin e viktimave civile në Afganistan deri në një minimum absolut. Gjatë vizitës së tij të parë në Kabul të Afganistanit si sekretar i ri Natos, Rasmussen i tha presidentit afgan Hamid Karzai se synimi i aleancës në Vend ishte që gradualisht t'ia dorëzonte afganëve kontrollin e çështjeve të sigurisë. Rasmussen deklaroi se zgjedhjet presidenciale që janë planifikuar të zhvillohen këtë muaj në Afganistan, duhet të jenë sa më përfshirëse.