(03.8.2009 RV)Udhëheqësi suprem i revolucionit iranian Ajatollah Ali Khamenei
ka konfirmuar rizgjedhjen e presidentit Ahmedinexhad. Kandidatët reformistë në zgjedhjet
presidenciale të 12 qershorit Musavi e Karrubi dhe ish presidentet Rafsanxhani e
Khatami nuk morën pjesë në ceremoninë e shpalljes së mandatit të dytë presidencial
të Ahmedinexhadit. Khamenei, duke folur në ceremoni tha se “iranianët duke votuar
për Ahmedinexhadin kanë zgjedhur betejën kundër arrogancës botërore e varfërinë dhe
për të përforcuar drejtësinë”. Ahmedinexhad do të bëjë betimin të mërkurën para parlamentit
të Teheranit. Kujtojmë se fitorja e Ahmedinexhadit është kundërshtuar në mënyrë të
prerë e publike nga fronti reformistë, protestat e të cilit janë shtypur e përndjekur
nga autoritet iraniane, me arrestime e vrasje.