Në qershor 2010 në Romë do të mblidhen meshtarë nga gjithë bota.
(01.08.2009 RV)“Besnikëria e Krishtit,
besnikëri e Meshtarit” - do të jetë tema e takimit ndërkombëtar të meshtarëve, me
të cilin do të pëfundojë Viti Meshtarak, shpallur nga Benedikti XVI me rastin e 150-vjetorit
të lindjes së Shën Gjon Vianejt, pajtor i të gjithë famullitarëve të botës. I organizuar
nga Kongregata për Klerin, takimi, që do të vijojë nga data 9 deri më 11 qershor 2010,
i është besuar Veprës Romake të Shtegtimeve, në vazhdim të mbledhjeve të mëparshme
ndërkombëtare të Klerit, kremtuar ndërmjet 1996-tës e 2004-ës në Fatima (Portugali),
Jamosukro (Bregu i Fildishtë), Guadalupe (Meksikë), Nazaret, Betlehem e Jeruzalem
(Tokë e Shenjtë), Romë (me rastin e Jubileut të vitit 2000) e, së fundi, në Maltë. Takimi
do të hapet më 9 qershor pranë Bazilikës së Shën Palit jashtë Mureve të Romës, për
të vijuar, një ditë më pas, në atë të Shën Marisë së Madhe e, pasdite, në Sheshin
e Shën Pjetrit, me mbrëmësoren e lutjes, në praninë e Benediktit XVI. Të premten,
më 11 qershor, Papa do të kryesojë Meshën Shenjte, në bashkëkremtim me meshtarë nga
mbarë bota.