Austria kërkon përfshirje të shpejt të Shqipërisë në negociata me BE-në
(30.7.2009 RV)Politika e Jashtme Austriake vendos veton për përfshirjen sa
më të shpejtë të Shqipërisë dhe Kroacisë në negociatat e afërta për anëtarësim, me
Bashkimin Evropian. Ministri Federal i Punëve të Jashtme të Austrisë
Dr. Michael Sindelegger është shprehur gjatë një konference për shtyp të zhvilluar
së fundi në Vjenë, se negociatat e Bashkimit Europian me Islandën, për kërkesën e
kësaj të fundit për anëtarësim në BE, duhet të zhvillohen vetëm me kushtin, që në
to të përfshihet edhe Kroacia e Shqipëria. Shtypi austriak, Televizioni Publik
Austriak ORF, Agjensia Austriake e Lajmeve APA si dhe media austriake gazetat "Die
Presse", "Heute" etj, kanë komentuar gjatë dy ditëve të fundit këtë deklaratë zyrtare
të Ministrit Sindelegger lidhur me preferencën e politikës së jashtme austriake kundrejt
BE-së, për përfshirjen sa më shpejt, mundësisht në negociatat e afërme të anëtarësimit
me Islandën, edhe Kroacinë e Shqipërinë.