Выпускнікі ўнікальнай Ватыканскай школы палеаграфіі, дыпламатыі і архівістыкі Сакрэтнага
архіва Святога Пасаду атрымалі дыпломы
Пры горадзе-дзяржаве дзейнічае некалькі школ і майсэрань, якія перадаюць стагоддзямі
веды і рамёствы, невядомыя ніякім іншым навучальным установам. Сярод дыпламаваных
спецыялістаў у вышэйназываных прафесіях ёсць маладыя людзі - дзяўчаты і хлопцы - некалькіх
нацыянальнасцей. Большасць з іх - італьянцы, ёсць бяльгійцы, немцы, гішпанцы, адна
перуанка. Цікава, што напрацягу навучання студэнты адразу пачынаюць працаваць з надзвычайнай
каштоўнасці кнігамі і іншымі дакумантамі з Ватыканскай бібліятэкі, за часовую дэманстрацыю
якіх Музеі свету плацяць мільёны долараў. Ватыканская газета "OSSERVATORE ROMANO
(Рымскі аглядальнік)" падрабязна расказвае пра экзамены, якІя, як паведамляе, "бліскуча"
здалі 6 выпускнікоў. Астатнія паэтапна адсеяліся. Экзамены былі: па старажытнагрэцкім
і лацінскім правапісу, чытанні манускрыптаў і кніг на некалькіх старажытных і сучасных
мовах, па агульнай дыпламатыі і кананічнай дыпламатычнай графіцы, папскай дыпламатыі,
кадыкалогіі, архівістыцы і сігілаграфіі. У экзаменацыйную камісію ўвайшлі выдатныя
царкоўныя дзеячы і свецкія навукоўцы. Папярэдне быў чарговы набор у гэтую гадзічную
Школу на базе ўжо завершанай вышэйшай адукацыі. У наступным навучальным годзе ў школу
пры Сакрэтных Архівах Ватыкана набрана 24 юнакі і дзяўчаты. Прыгадаем, што архівы
хаваюць найбольш каштоўныя дакуманты і сведчанні, спалучаныя з таямніцай Бога і чалавецтва.
На запатрабаванні некаторых экстрэмісцкі настроеных навукоўцаў адкрыць усе сакрэты,
Святы Пасад адказвае негатыўна напрацягу дзесяціддзяў дзеля непадрыхаватнасці і абмежаванасці
навуковага тэхнакратычнага гарызонту, асягнутага сучасным чалавецтвам.