(22.7.2009 RV)Gati tri vjet pas vrasjes brutale të gazetares ruse Anna Politkovskaja
në tetor të vitit 2007, një proces i ri mbi këtë vrasje është caktuar të fillojë më
5 gusht. Me 25 qershor të vitit të kaluar, gjyqi i lartë rus pati urdhëruar një proces
të ri gjyqësor ndaj katër të pandehurve, të cilët në shkallën e parë të gjyqit, më
19 shkurt, qenë liruar nga akuzat. Në procesin, dy vëllezërit çeçen Dzhabrail e Ibragim
Makhmudov qenë akuzuar për vrasje dhe një ish funksionar policie, Sergei Khadzhikurbanov,
për ndihmën dhënë vrasësit për të ikur. Edhe personi i katër, agjenti i Fsb
Pavel Ryaguzov, i akuzuar për furnizimin e vrasësit me adresë të Politkovskaja, qe
liruar në një proces të veçantë. Lajmi për hapjen e procesit të ri, u bë i ditur një
javë nga vrasja e Natalia Estemirova e cila, ashtu si Politkovskaja, pati denoncuar
krimet ruse që janë bërë kundër civilëve në Çeçeni.