(22.7.2009 RV)Policia e milicët sulmojnë manifestuesit në Teheran e arrestojnë
me dhjetëra persona.Policia iraniane arreston së paku 20 vetë në protestat në Teheran.
Në qendër të kryeqytetit iranian, forcat e sigurimit kanë shtypur me dhunë protestën
më të fundit të opozitës. Policia dhe anëtarë të milicisë, besnikë të qeverisë, kanë
goditur protestuesit me shkopinj gome për të shmangur grumbullimin e tyre. Me gjithë
paralajmërimin e udhëheqësit shpirtëror të Iranit, Ajatollah Ali Kamenei, disa qindra
njerëz kanë protestuar përsëri kundër qeverisë. Ata donin të kujtonin vdekjen e dhunshme
të një gruaje të re 27 vjeçare, e cila u vra para një muaji gjatë një proteste kundër
zgjedhjes së Mahmut Ahmadinexhadit. Anëtari i Frontit Kombëtar të Iranit, Hamid Reza
Kadem, ka pohuar se së paku 20 njerëz janë arrestuar gjatë këtyre përleshjeve. Njoftohet
se protestuesit ishin mbledhur në sheshin qendror, Haft e Tir, pavarësisht ndalimit
të qeverisë.