Takimi mes feve të ndryshme, në Krakovi, 70 vjet pas Luftës II Botërore
(21.07.2009 RV)Krerët e feve të mëdha botërore, krerë shtetesh e intelektualë
do të takohen në Krakovi nga 6 deri më 8 shtator, me ftesë të Bashkësisë së Shën Egjidit
e të kardinalit Stanislao Xhivish. “Fryma e Asizit”, që karakterizon këto takime tradicionale,
ku diskutohet mbi marrëdhëniet e njeriut me fenë, kthehet në Poloni, në qytetin ku
Papa Gjon Pali II u formua nga pikëpamja kulturore, njerëzore dhe shpirtërore. Liderët
botërorë do të marrin pjesë në një shtegtim pa precedent drejt kampit të shfarosjes
Aushvic-Birkenau, në shenjë pajtimi e paqeje, për të nënvizuar refuzimin e tyre të
plotë ndaj dhunës e luftës si mjet për zgjidhjen e konflikteve ndërkombëtare. Ky takim
do të jetë edhe rasti për të reflektuar mbi 20 vjetët e dialogut filluar nga Gjon
Pali II, në vendet ku ka përjetuar luftën, por edhe përvojën e dialogut përmes njohjes
me një shok hebre. Ndoshta pikërisht ato vite në Krakovi qenë të rëndësishme për Papën,
të cilit më vonë i lindi ideja e takimeve të Asizit dhe e Ditës Botërore të Lutjes
e Agjërimit për Paqen, filluar më 27 tetor 1986. Kujtojmë se në këtë takim do të marrin
pjesë edhe përfaqësues të lartë nga Shqipëria.