Ndërmjet emërimeve të shumta papnore, Karlo Maria Viganò është sekretari i ri i përgjithshëm
i Governatoratit të Vatikanit
(18.07.2009 RV)Të enjten e kaluar Salla e Shtypit e Selisë së Shenjtë, botoi
një listë të gjatë emërimesh të reja papnore. Në krye të saj, emri i sekretarit
të ri të përgjithshëm të Governatoratit të Qytet –Shtetit të Vatikanit, nuncit Karlo
Maria Viganò, deri tani delegat i Përfaqësive Papnore. Zë vendin e imzot Renato Bokardos,
ish-organizues i shtegtimeve apostolike të Papës e i Ditëve Botërore të Rinisë, i
cili bëhet kryeipeshkëv i Spoleto – Norçias. Vijnë, pastaj, një sërë lëvizjesh
brenda e jashtë Italisë, sidomos në fushën diplomatike, me ndërrimin e nuncave në
Liban, në Greqi e në Burundi.