Papa: përfundoi operacioni për reduktimin e frakturës së kyçit të dorës së djathtë
(17.07.2009 RV)Përfundoi ndërhyrja e vogël kirugjike mbi kyçin e dorës së djathtë
të Papës Benedikti XVI, e cila kishte për qëllim reduktimin e frakturës. Kujtojmë
se gjatë natës së djeshme, Ati i Shenjtë u rrëzua në banjon e shtëpisë ku po pushon
në Lë Kombë të Vale d’Aostës. Analizat e përgjithshme, që i janë bërë Papës, kanë
dalë mirë, prandaj pritet që Benedikti XVI të kthehet në shtëpinë e Lë Kombë brenda
ditës së sotme. Do t’i duhet ta mbajë dorën në allçi për disa ditë, për të vazhduar
më pas me rehabilitimin e kyçit. Papa u operua nga primari i ortopedisë, dr. Manuel
Mançini.