Cвяты Пасад. Папа Бенедыкт 16 прызначыў Генеральным сакратаром Губернатарства горада-дзяржавы
Ватыкан монс. Вігано і зрабіў яшчэ некалькі новых прызначэнняў.
Монсіньёр Карло Маріа Вігано раней служыў легатам Папскіх Прадстаўніцтваў. Ён замясціў
56-гадовага біскупа Ренато Бокардо, якога Папа прызначыў ардынарыем ітльянскай дыяцэзіі
Спалета-Норча, надаючы яму годнасць арцыбіскупа.Новы арцыбіскуп служыў на дыпламатычных
пасадах ад 1982 году, прадстаўляючы Ватыкан у балівіі, Камеруне і Францыі. Ад 1992
году працаваў у Папскай Радзе па справах свецкіх асоб, каардынуючы, у тым ліку, падарожжы
Папы Яна Паўла 2 і Папы Бенедыкта 16, а таксама Сусветныя Дні моладзі у Дэнверы,
Маніле, Парыжы і Рыме. З 2005 году служыў сакратаром дзяржаўнага Губернатарства .
Таксама сёння прызначаны новыя Апостальскія нунцыі: для Лібану - гэта монсіньёр Габрыель
Кача, які перад тым займаў пасаду намесніка Саветніка нунцыятур у сэкцыі агульнай
дзейнасці Дзяржаўнага сакратарыяту Ватыкана. Адсёння былы апостальскі нунцы ў Ліване
прызначаны прадстаўніком Папы Рымскага ў Грэцыі. Таксама прызначаны новы апостальскі
нунцы ў Бурундзі: ім стаўся монсіньёр Франко Капоа, які дагэтуль выконваў абавязкі
Саветніка ў аддзеле Знешніх суадносін з дзяржавамі горада-дзяржавы Ватыкан.