Парыж-Мінск. У абедзьвюх сталіцах пачаліся ўдакладнівацца пункты праграмы Дагавору
супрацоўніцтва , які нядаўна заключаны між Свята-Сергіеўскім багаслоўскім Інстытутам
ў Парыжы і Інстытутам тэалёгіі БДУ.
Свята-Сергіеўскі праваслаўны Інстытут - старэйшая навукова-навучальная праваслаўная
ўстанова, падпарадкаваная Усяленскаму Канстантынопальскаму патрыярхату. Сярод выкладчыкаў
- славутыя імёны: пратаярэя С.Булгакава, прат.Флароўскага, архіепіскапа К.Керна...
З тае пары, калі існавала напружанне між Усяленскім і Маскоўскім Патрыярхатамі,
гэтая установа была як бы выключанаю з праваслаўнага жыцця Расіі. Дайшлося да таго,
што РПЦ вырашыла адкрыць у Парыжы сваю семінарыю. У такім святле нядаўна заключаны
дагавор з Белдзяржуніверсітэтам дае магчымасць моладзі з Беларусі, Расіі і іншых
краін мець , навучаючыся у Інстытуце Тэалогіі імя св. Кірыла і Мятода ў Мінску, адукацыйны
ўзровень славутага Свята-Сергіеўскага інстытута. Ягоны рэктар пратаярэй Ніколя Чарнакрак
расказаў журналістам, што Дагавор, які ён падпісаў разам з кіраўніком беларускага
праваслаўя Мітрапалітам Філарэтам з , рэктарам Інстытута Тэалёгіі БДУ, дае вялікую
перспектыву. Праз Мінск студэнты парыскай установы могуць атрымаць прызнаваную на
дзяржаўным ўзроўні адукацыю, бо рускі праваслаўны Інстытут у Францыі не дае сваім
выпускнікам дзяржаўнага статусу . Акадэмічная праграма багаслоўскага Інстытута Белдзяржуніверсітэта
такі статус мае, бо яго акадэмічная праграма адпавядае дзяржаўным стандартам Рэспублікі
беларусь і прызнаваная ў многіх інўшых краінах.