Сакратары Эпіскапатаў Эўропы падвялі вынікі чарговага пасяджэньня
У Львове (Украіна) скончылася сустрэча генеральных сакратароў канферэнцый епіскапатаў
Еўропы. Па выніках пасяджэння іерархі апублікавалі паведамленне, у якім падкрэслілі
ролю пабудовы еўрапейскай інтэграцыі ў кантэксце хрысціянскай этыкі і маралі. «Сакратары
епіскапатаў абмяркоўвалі розныя тэндэнцыі і пагрозы, якія існуюць ў асобных краінах,
напрыклад, узнялі праблему павагі да жыцця ад моманту зачацця да натуральнай смерці»,
— адзначыў біскуп Мар’ян Бучэк, Генеральны сакратар Канферэнцыі Каталіцкіх Біскупаў
Украіны. Падчас сустрэчы абмяркоўваліся таксама асноўныя пытанні, закранутыя Святым
Айцом Бэнэдыктам XVI у новай энцыкліцы «Caritas in veritate» («Любоў у праўдзе»). Па
словах біскупа Бучэка, на сустрэчы было разгледжана і пытанне паклікання. «Мы не казалі
пра крызіс пакліканняў (які, канечне, відавочны), але вялі размову пра тое, як займацца
пакліканнямі, якія ўжо ёсць, і як добра іх фармаваць», — адзначыў украінскі іерарх. Тэмамі
размовы падчас пасяджэння сталі таксама выклікі, якія стаяць перад новымі святарамі,
а таксама пазітыўны і негатыўны ўплыў СМІ на іх жыццё. Наступная сустрэча генеральных
сакратароў канферэнцый епіскапатаў Еўропы адбудзецца ў чэрвені 2010 г. у Рыме.