Рым.Тут пачаліся урачыстасці свята Багародзіцы Кармэліцкай. Парацэсіі праносяць упрыгожаныя
драўляныя і мармуровыя статуі Найсвятой Панны Марыі ды іконы працы вялікіх майстроў
Адраджэння.
Апранутую ў старажытную сукенку, сатканую рукамі, старажытную статую Мадонны на
трэці дзень святкавання, у суботу, 18, працэсія вернікаў з царквы святой Агнесы
пранясе да ракі Цібра па Тыберыяцкім востраве, дзе захаваўся мост Фабріччё,захаваны
з 2 стагоддзя да Раства Хрыстова. Тут Мадонна будзе перанесеная на параходзік, які
паплыве па рацэ, зіхацеючы агнямі соцень свечак, запаленых з малітваю вернікамі Рыма
і пілігрымамі з цэлага свету. Y гэтыя дні паўсюдна на плошчах і ў цэрквах Рыму гучыць
духоўная музыка . У Беларусі кляштары кармэлітаў босых існавалі ў Гудагаі,
Глыбокім, Гродне, Мядзелі, Магілёве, Пінску, Вільні і ў іншых месцах. Іх лёс быў падобны
да лёсу іншых кляштараў і святыняў: пасля падзелу Рэчы Паспалітай яны былі скасаваныя,
і толькі ў міжваенны перыяд ХХ ст. законнікі вярнуліся ў Вастрабрамскую святыню Вільні
і ў Мядзель. Падчас нямецкай акупацыі законнікі з Вільні былі вывезеныя на прымусовую
працу, кляштар у Мядзелі згарэў. Толькі 1990 г. кармеліты распачалі зноў сваю дзейнасць
на нашых землях. (У кожную суботу ў Гудагаі цэлебруецца навэнна да Маці Божай Шкаплернай)
Гісторыя закону кармэлітаў звязана з гарой Кармэль у Святой Зямлі, на якой у ІХ ст.
да нараджэння Хрыста жыў і дзейнічаў прарок Ілля. Ягоныя словы «Я палаю руплівасцю
дзеля Бога Усемагутнага» (1 Вал 19, 10) сталіся стрыжням закону і ўвайшлі ў яго герб.
На мяжы 12-13 стагоддзяў пабожныя пілігрымы і пакутныя грэшнікі ў пакаянні пасяліліся
разам на гары Кармэль дзеля самотнай малітвы і самаахвяравання. Cфармавалася супольнасць,
якая каля 1209 г. атрымала ад тагачаснага патрыярха і біскупа Ерусаліму святога Альберта
«Рэгулу», альбо збор правілаў . Адтады кармэлітаў пачалі лічыць самастойнай законнай
супольнасцю. З цягам часу ўтварылася таксама жаночая галіна — босыя кляўзуровыя кармэліткі(затворніцы).
У 13 стагоддзі пачаўся пераслед з боку мусульманаў. Рэлігійныя войны прывялі да
ўпадку каталіцтва ў Палестыне: кармэліты былі вымушаны пакінуць Кармэль і перабраліся
ў Еўропу. Паўстала пагроза роспуску, і тады тагачасны генерал законусв. Сымон Сток
заклікаў усіх маліцца да Марыі аб выратаванні закону. .. .Па паданні, ў ноч з 15 на
16 ліпеня 1251 г. Мадонна з’явілася св. Сымону. Маці Божая указала на верхнюю частку
аблачэння (шкаплер), і назвала яго знакам збаўлення, гаворачы: «Гэта будзе прывілеяй
для цябе і для ўсіх кармэлітаў — хто ў ім памрэ, не зведае агню пякельнага». Хутка
кармэліты пачалі паспяхова развівацца. Святы шкаплер з’яўляецца знакам мацярынскай
любові Марыі да закону і сімбалем блізкасці Багародзіцы да ўсяго народа Божага.
Далей рэформу у закон прынесла з малітоўным натхненнем св.Тэрэза ад Езуса і
св.Ян ад Крыжа — вялікія гішпанскія святыя, якія ў другой палове XVI ст. аднавілі
жаночую і мужчынскую галіны закону. Фундаментам, на які абапіраецца статут закону,
з’яўляецца абяцанне: «Жыць у паслухмянстве Езусу Хрысту і верна Яму служыць чыстым
сэрцам і шчырым сумленнем». Папа Ян Павел ІІ у
лісце пра шкаплер між іншым напісаў: «Я таксама ўжо вельмі доўгі
час нашу на сэрцы кармэліцкі шкаплер! З любоўю да нашай нябеснай Маці, апеку якой
я няспынна адчуваю, жадаю, каб усе законнікі і законніцы Кармэлю, а таксама пабожныя
вернікі, якія ўшаноўваюць Яе з сыноўскім адданнем, узраслі ў любові да Яе і каб умацавалі
ў свеце прысутнасць гэтай Жанчыны маўчання і малітвы, прызыванай як Маці міласэрнасці,
Маці надзеі і ласкі». Браты-кармелітане штодзённа збіраюцца разам на цэлебрацыю
Эўхарыстыі, Літургію Гадзінаў і медытацыю. У лучнасці са святымі кармэліты, як святары,
так і браты-законнікі, служаць у Касцёле, займаючыся апостальскай і душпастырскай
дзейнасцю, праводзячы рэкалекцыі, дні духоўных сустрэчаў, арганізуюць школы малітвы,
вядуць асветніцкую выдавецкую дзейнасць. Характэрнай рысай Кармэлю з’яўляецца Марыйная
духоўнасць, асабліва шкаплернае набажэнства. ..