Komisioni Evropian rekomandon heqjen e vizave për Maqedoninë, Malin e Zi dhe Serbinë
(15.7.2009 RV)Komisioni Evropian rekomandoi heqje të vizave për qytetarët e
Maqedonisë, Serbisë dhe Malit të Zi nga 1 janari i viti 2010. Gjatë një konference
për shtyp në Bruksel zëvendëskryetari dhe ministër i Drejtësisë, Zhak Baro dhe komisioneri
evropian për zgjerim Oli Ren u shprehën të kënaqur për heqjen e vizave afat shkurtë
për qytetarët e Maqedonisë, Malit të Zi dhe Serbisë. "Ky është një moment historik
në marrëdhëniet tona me vendet e Ballkanit Perëndimor. Liberalizimi i vizave do të
kontribuojë për marrëdhënie më të afërta dhe të shpeshta të shtetasve të këtyre tri
vendeve me shtetet nga zona e shengenit", deklaroi Baro. Ai theksoi se Maqedonia,
në pajtueshmëri me vlerësimet nga ekspertët e Komisionit Evropian, ka arritur rezultate
më të mira në përmbushjen e kritereve. Komisari evropian Ren deklaroi se kjo është
një ditë e rëndësishme për vendet nga Ballkani Perëndimor, por edhe për Evropën. Ai
shfaqi bindje se rekomandimi për heqjen e regjimit të vizave do të konfirmohet edhe
nga Këshilli i ministrave i vendosur prej se do të kalojë edhe në Parlamentin Evropian.