Polaku Buzek zgjidhet në presidencën e Parlamentit të ri Evropian. Sot në Strasburg
u mbajt seanca e parë.
(14.7.2009 RV)U mblodhë sot në Strasburg Parlamenti i ri Evropian, i zgjedhur
në qershorin e kaluar nga qytetarët e 27 Shteteve anëtare të Bashkimit Evropian. Akti
i parë i asamblesë evropiane ishte emërimi i kryetarit të Parlamentit, post në të
cilin u zgjodh, eurodeputeti polak 69 vjeçar, Jerzy Buzek. E sot para dite u bë dorëzimi
i presidencës së Parlamentit evropian ndërmjet gjermanit Hans Gert Poettering e polakut
Jerzy Buzek. Ish kryeministri i qeverisë së Varshavës, Buzek është zgjedhur me
votimin e parë, duke marrë shumicën absolute të votave: 555 nga 713 votues në seancën
e parë të Parlamentit të ri Evropian. “Kjo zgjedhje përfaqëson e është një sinjal
i rëndësishëm edhe për të gjitha Vendet tjera të Evropës qendrore-lindore - tha Buzek
në fjalimin e tij të parë - po kështu është edhe një nderim për qytetarët tanë që
nuk i janë nënshtruar regjimit armiqësor. Tani - nënvizoi - të mendojmë për Evropën
e përbashkët”. Buzek pastaj përkujtoi sindikatën Solidarnoshç, në të cilin bënte
pjesë, që para 20 vjetësh e fitoi betejën për Poloninë e lirë dhe për mbrojtjen e
të drejtave të njeriut e të punëtorëve. Së fundi, presidenti i ri i posa zgjedhur
kujtoi rolin e ndihmën që dha për Evropën Papa Gjon Pali II. Me këtë zgjedhje,
asambleja evropiane ka përuruar legjislaturën vendimtare për përcaktimin dhe përforcimin
e institucioneve të Bashkësisë Evropiane.