Kosova duhet të dorëzojë deklaratën e dytë në Gjykatën Ndërkombëtare të Drejtësisë
në Hagë
(14.7.2009 RV)Republika e Kosovës duhet të dorëzojë brenda kësaj jave në Gjykatën
Ndërkombëtare të Drejtësisë në Hagë deklaratën e dytë të argumenteve për pavarësinë
e shpallur më 17 shkurt 2008. Në një intervistë për median kosovare ministri i
Jashtëm Skënder Hyseni bëri të ditur se deklarata e dytë do të përmbajë përafërsisht
150 faqe. “Ato do të përmbajnë kryesisht komente mbi deklaratat e para me shkrim që
kanë bërë vendet e ndryshme në favor të Serbisë, që për fatin e mirë të Kosovës numri
këtyre vendeve është i vogël", ka deklaruar ministri i Jashtëm, Skender Hyseni. Hyseni
nuk ka dhënë detaje, duke respektuar Kodin e Gjykatës Ndërkombëtare, që sugjeron,
siç tha ai, "që mos të bëhet publike përmbajtja e deklaratave deri në fillimin e seancave
dëgjimore që pritet të fillojnë më 1 dhjetor". Dokumenti i Kosovës, deklarata
e parë prej rreth 200 faqesh është dorëzuar në gjykatë para tre muajsh, më 17 prill.
Eksperti i njohur ligjor ndërkombëtar, Sir Michael Ëood nga Mbretëria e Bashkuar,
është angazhuar nga institucionet e Kosovës për t’i prirë ekipit të ekspertëve ligjorë
në mbrojtje të ligjshmërisë së pavarësisë në Gjykatën Ndërkombëtare të Drejtësisë
në Hagë. (BalkanWeb)
EULEKS: U zhvarrosen mbetjet e 11 individëve,
mes tyre 4 femijeEULEX informon se në varrin masiv të zbuluar të enjten
në një fshat afër Gjilanit në Kosovë janë zhvarrosur mbetjet e së paku 11 individëve.
Viktimat dyshohet se janë nga lista e personave të pagjetur në Kosovës. Sipas policisë
ndërkombëtare ndër mbetjet mortore ishin edhe ato të së paku katër fëmijëve. Mbetjet
e trupave të pajetë, janë dërguar në selinë e Zyrës për të Pagjetur dhe Mjekësi Ligjore
të EULEKS-it, ku gjatë javës, pritet të kryhen procedurat e identifikimit dhe të autopsisë.
(BalkanWeb)