ВАТЫКАН. “It’s a great honour for me (вялікі гонар для мяне)"- першыя словы, якія
сказаў, падзякваўшы, Барак Абама, прэзідэнт ЗША, Папу Бенедыкту 16 у часе прыватнай
аўдыенцыі.
Яна адбылася ў Папскіх пакоях 10 ліпеня пасля 16 гадзіны апоўдні па пратаколе, які
для нашых слухачоў, хіба, вядомы па нядаўнім візіце да Папы Рымскага прэзідэнта Беларусі
Аляксандра Лукашэнкі. Прыгадаем, што ў дні саміту Вялікай Васьмёркі ў Аквіле ( Італія)
яе ўдзельнікі і суправаджаючыя іх асобы, дыпламаты розных краін, прысутных пры Ватыкане
і пры Італьянскай Рэспубліцы, а таксама прадстаўнікі "Дваццаткі" скарысталі на магчымасць
павітацца з Папам Бенедыктам 16. Свяцейшы Айцец здолеў прыняць многа прэзідэнтаў,
прэм'ер-міністраў і членаў рабочых груп Саміту. Што тычыцца сустрэчы ў Апостальскім
палацы Папы з прэзідэнтам самай уплывовай краіны свету - ЗША, то на пытанне з боку
гаспадара пры рукапажацці, як прайшла сустрэча, прэзідэнт Абама адказаў:"Вельмі прадуктыўна"І
паведаміў, што на барацьбу з голадам у свеце вылучылі 20 міліярдов долараў. (Менавіта
аб тым, каб вялікія і "сытыя" не забываліся на малых і галодных, увесь час працаў
Саміту заклікаў Папа і ягоныя біскупы). Гутарка "з вока на вока" у асабістым кабінеце-бібліятэцы
Папы працягвалася прыкладна акадэмічную гадзіну. Прэзідэнт ЗША меў таксама гутарку
з Дзяржаўным сакратаром Святога Пасаду кардыналам Тарчізіо Бертоне. Напрыканцы знаходжання
амерыканскай дэлегацыі ў Апостальскай сталіцы адбыўся абмен падарункамі. Прэзідэнт
Абама ўручыў Папу рэліквію - столу, якая ад 1988 па 2007 год пакрывала мошчы першага
біскупа ЗША Джона Ньюмана, што паднесены да хвалы блаславенства. (Прыгадаем, што былы
англіканец, які перайшоў у каталіцтва і стаўся кардыналам 130 год таму назад, ставіў
у цэнтр свайго тэалагічнага роздуму тэму суадносінаў веры і розуму - вельмі важную
для цяперашняга Папы). Папа падарыў сваю новую сацыяльную Энцыкліку "Любоў у праўдзе".
Прэз. Абама запэўніў, што сувязі між Святым Пасадам і яго адміністрацыяй будуць
вельмі трывалыя. Папа Бенедыкт 16, паблаславіўшы , запэўніў у сваёй малітве аб гэтым
44 прэзідэнце ЗША. Прыгадаем, што у 1919 годзе да Святога Пасаду упершыню з візітам
да Папы Бенедыкта 15-га з-за акіяну прыбыў 12-ты прэзідэнт ЗША Вудра Вільсан , называны
"хрысціянскі міралюбец". Адразу з Ватыкану прэзідэнт ЗША выляцеў у Гану, на радзіму
свайго быцькі.