Vlerat e krishtera si prioritet, argument i takimit të Patrikut të Moskës, Kiril me
Presidentin e SHBA-së, Obama.
(09.7.2009 RV)Vlerat e krishtera si prioritet ishin në qendër të takimit ndërmjet
Patrikut të Moskës, Kiril e Presidentit të SHBA-së, Obama.“Është e domosdoshme të
vijohet në udhën e dialogut të përhershëm ndërmjet të krishterëve të Vendeve tona
e përforcimit të miqësisë mes dy popujve. Mirëpo që të mos ketë ndjenja antiamerikane
në Rusi, apo ndjenja antiruse në SHBA, duhet të vejmë zemrën”. Kështu tha të mërkurën
e kaluar më 8 korrik Patriku i Rusisë, Kiril gjatë takimit me presidentin e SHBA-së,
Obama, në Moskë me rastin e misionit të rëndësishëm diplomatik. Në bisedën
e shkurtër, Kirili ripohoi se “është e rëndësishme që popujt amerikanë e rusë të ruajnë
sistemin e vlerave të krishtera” mbi të cilat janë të themeluara”, dhe nënvizoi “aspektin
e madh fetare” që i karakterizon e dallon dy kombet si dhe “marrëdhëniet e shkëlqyeshme”
me ortodoksit amerikanë. Presidenti Obama e falënderoi Patrikun për angazhimin e tij
në kërkimin e bashkimit të të krishterëve dhe shprehi dëshirën e bashkëpunimit me
Kishën ortodokse ruse.