(08.7.2009 RV)Pekini përgjigjet me dënimin për vdekje “vrastarëve” të trazirave
të Ksinxhiangut. Lajmërimi i autoriteteve kineze arriti pak pasi kryetari i bashkisë
së Urumkit, teatër i ndeshjeve të përgjakshme që të dielën ka shkaktuar vdekjen e
mbi 150 personave, ka bërë të ditur se situata në qytet është nën kontroll. Njoftimit
të autoriteteve kineze i janë përgjigjur me armë qindra ujgurianë të cilët kanë protestuar
në një lagje myslimane të Urumkit, kryeqytetit të Rajonit automon kinez të Ksinxhiangut,
duke u ndeshur me policinë. Autoritetet Kineze kanë përforcuar kontrollin me mijëra
ushtarë e policë të dislokuar në qytetin Urumki. Më parë, Bashkimi Evropian u
bëri thirrje për përmbajtje palëve të përfshira në konflikt. Presidenca suedeze e
BE-së shprehu 'shqetësimin e thellë' për këto ngjarje dhe i bëri thirrje Kinës që
të respektojë të drejtën e lirisë së shprehjes së mendimit dhe protestave. Në përleshjet
e këtyre ditëve mes ujgurëve myslimanë dhe kinezëve Han, deri më tani u vranë mbi
400 njerëz dhe u plagosën mbi 800 të tjerë, ndërsa Kina flet për 156 viktima, duke
shtuar se numri mund të jetë më i madh.