Апостальская Сталіца: дэфіцыт у фінансавым балансе з прычыны крызісу
Баланс Апостальскай Сталіцы за 2008-ы год замкнуўся дыфіцытам на больш за 900 тысяч
эўра, а Ватыканскае Дзяржавы аж на 15-ць мільёнаў эўра. Так вынікае з абвешчанага
ў Ватыкане камунікату. Выдадзены ён пасьля трохдзённае Сэсіі Рады Кардыналаў адносна
Арганізацыйных і Эканамічных Спраў Сьвятой Сталіцы. Фінансавы баланс Апостальскай
Сталіцы ахапіў выдаткі дыкастэрыяў Рымскае Курыі ды іншых ватыканскіх устаноў. На
сустрэчы многа месца прысьвечана было масс-мэдыям, асабліва Ватыканскаму Радыё. Сітуацыю
Радыё Папы прадставіў кардыналам Гэнэральны Дырэктар тэле- радыё Ватыкана айцец
Фэдэрыко Лёмбардзі ды доктар Альбэрто Гаспары - дырэктар для адміністрацыйных спраў. Асобным
ёсьць баланс Ватыканскае Дзяржавы. Ён замкнуўся дыфіцытам на больш як 15-ць мільёнаў
эўра, што спалучана з сусьветным крызісам. Вялікія выдаткі спрычынілі, між іншым,
аднаўленьне Паўлінскай Капліцы ў Апостальскім Палыцы ды ўведзеныя ў Ватыкане сродкі
бясьпекі. Ахвяраваньні на папскую харытатыўную ( міласэрную) дзейнасьць, званыя
Аболям Сьвятога Пятра, прынесьлі ў мінулым годзе амаль 76-ць мільёнаў даляраў. Найбольшыя
сумы грашэй надыйшлі са ЗША, Італіі і Нямеччыны. Абвешчаны ў Ватыкане камунікат
зрабіў таксама падрахунак з ахвяраваньняў, якія прыбылі з дыяцэзыяў на цэнтральныя
структуры Касьцёла. Найбольш грашэй перадалі дыяцэзыіі Нямеччыны ды ЗША. Агулам
перададзена на гэтую мэту каля 21-го мільёна эўра.