Enciklika 'Caritas in Veritate' e Benediktit XVI i kushtohet zhvillimit të gjithanshëm
të njeriut.
(07.07.2009 RV)“E vërteta, për të cilën Jezusi u bë dëshmitar, e thënë me dashuri:
kjo është forca që vë në lëvizje zhvillimin e njëmendtë të çdo njeriu e të mbarë njerëzimit”:
nis kështu ‘Caritas in Veritate’ - 'E vërteta me dashuri', Encilklika e re
e Papës Benedikti XVI kushtuar zhvillimit të gjithanshëm të njeriut, drejtuar botës
katolike e të gjithë njerëzve vullnetmirë. U paraqit sot në Sallën e Shtypit të Selisë
së Shenjtë.
Dokumenti i ri papnor ka gjashtë kapituj, që paraprihen nga hyrja
e përfundojnë me fjalën e mbylljes. Kapitulli i parë i kushtohet mesazhit,
që buron nga Enciklika Populorum progressio; I dyti, shtjellon “zhvillimin
njerëzor në kohët tona”; Kapitulli i tretë titullohet “Vëllazëria, zhvillimi
ekonomik e shoqëria civile”. Kapitulli i katërt merret me “zhvillimin e
popujve, të drejtat e detyrat dhe problemet e mjedisit”; “Bashkëpunimi i familjes
njerëzore “ është titulli i Kapitullit të pestë; Kapitulli i gjashtë
e i fundit trajton ‘Zhvillimin e popujve e teknikën”.
Në përfundim të Enciklikës
lexuesi vëren se Papa tregon një drejtim të ri për ekonominë botërore, të lidhur me
zhvillimin, që promovon dinjitetin e njeriut.