У Польшчы пачаліся дзіцячыя летнія лягеры, арганізаваныя каталіцкай дабрачыннай арганізацыяй
„Caritas”. У мінулым годзе гэткім відам адпачынку скарысталася амаль 100 тысячаў дзяцей
і моладзі зь бедных сем’яў. У вакацыйнай акцыі „Caritas” штогод удзельнічаюць таксама
польскія дзеці з усходняй Эўропы, пераважна зь Беларусі, Украіны, Летувы, Расеі, Латвіі
й Малдовы. Арганізатары летняга адпачынку заяўляюць, што па фінансавых прычынах, сёлетняя
колькасьць дзяцей, якія скарыстаюцца вакацыйнай прапановай, будзе меншая.