Папа Бэнэдыкт 16 зрабіў заклік да прымірэньня на Сьвятой Зямлі
Пакласьці канец вайне, насільлю і нясправядлівасьці на Сьвятой Зямлі былі галоўнымі
думкамі прамовы Сьвяцейшага Айца да ўдзельнікаў Сэсіі Зграмаджаньня РОАКО, значыць
Зграмаджаньня Для Дапамогі Усходнім Цэрквам, да якога належыць 25-ць каталіцкіх устаноў,
як напрыклад Рэновабіс, ці Дапамога Цэрквам у Патрэбе Бэнэдыфкт 16 падзякаваў ім
за тое, што робяць для ўсходніх і лацінскіх супольнасьцей на тэрыторыях даручаных
Кангрэгацыі да спраў Усходніх Цэркваў. «Сыны каталіцкага Усходу са сваімі душпастырамі
намагаюцца там будаваць мірнае суіснаваньне разам з вернікамі іншых хрысьціянскіх
веравызнаньняў і розных рэлігій»- заўважыў Папа. Прызнаў, што сустрэча з РОАКО ажыўляе
нанава радасьць яго нядаўнага паломніцтва да Сьвятой Зямлі. «Я мог падбадзёрыць тамашнія
каталіцкія супольнасьці, заахвочваючы іх да стойкасьці ў сьведчаньні, якое даюць верна
і часта з вялікім цярпеньнем. Я мог таксама прыпомніць хрысьціянам гэтага рэгіёну
іхнюю экумэнічную і міжрэлігійную адказнасьць згодна з духам Другога Ватыканскага
Сабору»- сказаў Бэнэдыкт 16 запэўніваючы аб сваёй малітве, каб не было ўжо больш вайны,
насільля ці нясправядлівасьці. «Жадаю вас запэўніць, што Каталіцкі Касьцёл пастаянна
трывае пры ўсіх нашых братах і сёстрах, якія жывуць ў Сьвятой Зямлі»- падкрэсьліў
Сьвяцейшы Айцец. Далей Папа ўказаў такія прыярытэты, як сітуацыя ўцекачоў і мігрантаў,
з якіх многія належаць да Усходніх Цэркваў, ці адбудова зоны Газы, пасьля нядаўнага
канфлікту надалей пакінута самой сабе. Спасылаючыся да пачатага Году Сьвятарства
заахвоціў да асаблівае турботы пра сьвятароў і духоўныя сэмінарыі. Сэсія РОАКО,
якая прайшла ў Рыме, была прысьвечана сітуацыі хрысьціян на Сьвятой Зямлі і ў Балгарыі. Як
сказаў Ватыканскаму Радыё біскуп Пройкоў, старшыня Эпіскапату Балгарыі, што пасьля
50-ці гадовага пэрыяду камунізму і атэізму Каталіцкі Касьцёл паволі падымаецца. Гэта
цяжкі працэс, бо ў часе рэжыму сканфіскавана ўсю маёмасьць, былі зачыненыя ўсе Духоўныя
Сэмінарыі і каталіцкія школы. «Прынамсі два пакаленьні не мелі рэлігійнага выхаваньня,
а катахізацыя была забаронена. Дзеля гэтага сёньня адукацыя ёсьць найважнейшаю справаю.
Маем сьвятарскія паліканьні сярод маладых Балгараў. Сёлета ў трох дыяцэзыях сьвятарскія
сьвядчыны атрымае шэсьць кандыдатаў. Яны Балгары і гэта важнае: Мясцовы Касьцёл пачынае
ўзрастаць»- сказаў біскуп Пройкоў.