(23.06.2009 RV)Ka filluar tashmë Viti kushtuar meshtarëve, të cilin Papa Benedikti
XVI e shpalli solemnisht më 19 qershor, vetëm pak ditë më parë. Rasti jepet nga 150-vjetori
i vdekjes së Famullitarit të Shenjtë të Arsit, Shën Gjon Maria Vianej. Jeta e shenjtit,
që lindi më 1786 në Francë, nuk ka asgjë të jashtëzakonshme. Bëri meshtarin, iu kushtua
plotësisht kremtimit të meshës e rrëfimit të besimtarëve, duke i udhëhequr me mençurinë
e atij, që nuk ka ndonjë shkollë të madhe, por që i flet zemra fjalë shenjte. Çdo
ditë! Është shembulli i meshtarit, që u sjell njerëzve Krishtin e jo veten. Cili është
pra kuptimi i këtij Viti Meshtarak e për çfarë do të shërbejë ai? Kryeredaktori ynë
don David Gjugja pyeti don Marjan Palokën, meshtar shqiptar në Itali. Ta dëgjojmë