(24.06.2009 RV)Ish-kryeministri i Kosovës, Agim Çeku u arrestua mbrëmë në Bullgari,
pranë kufirit maqedonas, mbi bazën e një mandati ndërkombëtar për krime lufte, lëshuar
nga Serbia. Prishtina po bën përpjekje për lirimin e tij, ndërsa Beogradi për ekstradimin.
Gjykata bullgare ka deklaruar se do të vendosë brenda 72 orësh. Akuzat për krime
lufte u referohen viteve 1998-99, kur Çeku ishte në krye të UÇK-së, gjatë luftës së
Kosovës. Arrestimi u krye pas mëse një muaji, gjatë të cilit ish-kryeministri kosovar
u përjashtua fillimisht nga Kolumbia, për të shkuar më pas në Francë, para mbërritjes
në Ballkan. Çeku, i cili ka pasur probleme të këtij lloji edhe në Slloveni e Hungari
në vitin 2006, deklarohet i burgosur politik dhe e konsideron të paligjshëm mandatin
serb të arrestit.