Koreja e Veriut: Obama paralajmëron Piong-jangun për hedhjen e raketave.
(22.06.2009 RV)Rritet tensioni ndërmjet SHBA-ve dhe Koresë së Veriut. Gjatë
javëve të ardhshme Piong-jangu mund të kryejë një provë me raketa, e cila mund të
shndërrohet në hedhjen e një rakete në drejtim të Havait, rreth datës 4 korrik, festa
e pavarësisë në SHBA. Presidenti Barak Obama siguroi se administrata e tij dhe forcat
e armatosura amerikane janë gati t’i bëjnë ballë një sulmi të tillë. Nga ana e
saj, Koreja e Veriut deklaroi se është “një fuqi krenare bërthamore” dhe ftoi Uashingtonin
të mos e nënvleftësojë.