Германія. Дэлегацыя Беларускай Праваслаўнай Царквы знаходзіцца з візітам у горадзе
Эслінген. Мэта - азнаёміцца з мясцовым вопытам міласэрднага паслугоўвання ў грамадстве.
Сацыяльны аддзел Мінскай епархіі з уключэннем прадстаўнікоў царкоўных структур Мінскай,
Гарадзенскай І Наваградскай епархій прымаюць удзел у гэтай працы па абмену вопытам.
Беларускія царкоўныя працаўнікі сацыяльнага сэктару наведваюць дыяканічныя цэнтры
Эвангелісцкай Царквы зямлі Вюртэнберг. Асабліва ўважліва пераймаецца вопыт працы з
дзецьмі і моладдзю як на ўзроўні епархіяльным, так і канкрэтнага царкоўнага прыходу.
Паездка праходзіць у рамках шматгадовага праекту "Арганізацыя сацыяльнага паслугоўвання
ў прыходах Беларускай праваслаўнай Царквы". У праекце ёсць месца і для мастацтва.
Так, беларуская вакальная група пела падчас святой Літургіі, якая адбылася ў нядзелю
ў старажытнай царкве святога Дыянісія, а тым жа вечарам на цэнтральнай плошчы Штутгарта
беларускі хор спяваў на закрыцці фестываля "Летнія музычныя вечары". А мясцовы Сімфанічны
аркестр горада з "лебядзіным возерам" выканаў класічныя творы рускіх кампазітараў.