Багародзічная малітва "Анёл Гасподні" ў нядзелю 14-га чэрвеня
У сваёй прамове да вернікаў, якія прыбылі на Плошчу Сьвятога Пятра, каб супольна
адгаварыць гэтую марыйную малітву, Папа Бэнэдыкт 16 гаварыў аб Эўхарыстыі як аб выяўленьні
Божай любові, а вернікаў заахвоціў да малітвы за сьвятароў. Ушаноўваная ў нядзелю
14-га чэрвеня ў многіх краінах урачыстасьць Цела і Крыві Господняе спалучае неба з
зямлёю, -заўважыў Папа. Паясьніў, што знак хлеба, які стаіць ў цэнтры яе ўшанаваньня
зьяўляецца плодам зямлі і неба. Дзеля гэтага эўхарыстычны хлеб ёсьць бачным знакам
Таго, ў Якім абьядналася неба з зямлёю, Бог і чалавек. Гледзячы на Хрыста
і абажаючы Яго мы гаворым: так, любоў існуе, а таму, што існуе рэчы могуць зьмяніцца
на лепшае, а мы можам мець надзею. Гэтая надзея, якая выплывае з любові Хрыста дае
нам сілу да жыцьця і змагацца з цяжкасьцямі. Дзеля гэтага ў часе працэсыі з Найсьвятым
Сакрамантам мы сьпяваем; сьпевам абажаем Бога, які абьявіўся пад відам ламанага хлеба.
Гэтага хлеба мы усе жадаем, таму што цяжкая і доўгая дарога да свабоды, справядлівасьці
і міру”. Перад заканчэньнем паўднёвае сутрэчы з вернікамі Бэнэдыкт 16 спаслаўся
да канфэрэнцыі ААН на тэму цяперашняга эканамічна-фінансавага крызісу. Канфэрэнцыя
адбудзецца ў днях 24-26 чэрвеня ў Нью Ёрку. Папа памаліўся пра духа мудрасьці і салідарнасьці
для ўдзельнікаў гэтае сустрэчы “каб цяперашні крызіс стаўся нагодай для прысьвячэньня
большай ўвагі адносна годнасьці чалавечае асобы і ўвядзеньня роўнасьці ў доступе да
ўлады і рэсурсаў. Жадаю, каб з нагоды
канфэрэнцыі ААН міжанродныя ўстановы прысьвяцілі сродкі для ўзьняцьця стратэгічных
рашэньняў, якія хаця не заўсёды лёгкія да прыняцьця, неабходныя для запэўненьня ўсім,
цяпер і ў будучыні, асноўнае пажывы і годнага жыцьця”. На заканчэньне сустрэчы
з вернікамі Сьвяцейшы Айцец прыпомніў таксама, што ў найбліжэйшую пятніцу, ва ўрачыстасьць
Найсьвятога Сэрца Госпада Ісуса, ды адначасна дня малітваў за сьвятароў, пачнецца
Год Сьвятарства. Папа пажадаў, каб гэтае здарэньне прычынілася да паглыбленьня вернікамі
вартасьцяў сьвятарскае місіі і стала заахвочаньнем да малітвы за шматлікія і сьвятыя
пакліканьні. Вітаючы Славакаў, Бэнэдыкт 16 зьвярнуўся асабліва да грэка-католікаў
гэтае краіны, якія прыбылі ў Рым на біскупскія сьвядчыны новага сакратара Кангрэгацыі
да спраў Усходніх Цэркваў, айца Кірыла Васыля, езуіта. Урачыстая Літургія ва ўсходнім
абрадзе, з гэтае нагоды, адбылася ў нядзелю 14-га чэрвеня ў рымскай базыліцы Маці
Божай Большай.