(13.06.2009 RV)Dhimbje e revoltë në Kolumbi për vrasjen e një katekisti e pedagogu
katolik të doktrinës shoqërore të Kishës. Të enjten, më 11 qershor, në rajonin verilindor
të vendit, Arauka, një grup guerrilasish vrau Humberto Eçeverri Garro. Kisha e dënoi
menjëherë aktin, duke shprehur shqetësimin e saj të thellë për përfshirjen e një numri
gjithnjë e më të madh të civilëve në konfliktin ndërmjet guerrilasve dhe forcave qeveritare
në Kolumbi.