U paraqit edicioni i 30-të i Mitingut të Riminit me titull: “Njohja është gjithnjë
ngjarje”.
(10.06.2009 RV)“Njohja është gjithnjë ngjarje”: ky është titulli i Mitingut
për Miqësinë ndërmjet popujve 2009, edicioni i 30-të i të cilit sivjet do të mbahet
më 23 deri më 29 gusht, në kornizën e zakonshme rimineze. Mitingu lindi nga ideja
se miqësia e uniteti ndërmjet njerëzve e popujve është i mundshëm e nga pasioni i
një edukatori të madh, si don Gjusani. Këtë nënvizoi dje në Romë, gjatë paraqitjes
së Mitingut, kryetarja Emilia Guarnieri, duke folur për 30 vjet jete të kësaj ngjarjeje,
e cila fuqizon lidhjet e miqësisë ndërmjet njerëzve e popujve. I pranishëm edhe Ministri
italian i Punëve të Jashtme, Franko Fratini, e personalitete të tjera politike, civile
e kishtare.