Багародзічная малітва "Анёл Гасподні" ў нядзелю 7-га чэрвеня
А паўдні ў нядзелю 7-га чэрвеня Папа Бэнэдыкт 16 сустрэўся на Плошчы Сьвятога
Пятра з вернікамі на гэтай марыйнай малітве. У сваім разважаньні Сьвяцейшы Айцец
гаварыў аб Сьвятой Тройцы. “Толькі любоў робіць нас шчасьлівымі, таму, што мы жывём
на тое, каб любіць і быць любленымі. Гэта менавіта прамаўляе за тым, што чалавек
быў створаны на вобраз Сьвятой Тройцы”- заўважыў Папа “Бог ёсьць любоў”ю не цераз
адзінства асобы, але цераз тое, што Сьвятая Тройца мае адну натуру”. Далей Бэнэдыкт
16 прыпомніў веру Касьцёла ў Бога Стварыцеля і міласэрнага Айца; ў Адзінароднага Сына,
адвечную ўцелаўлёную Мудрасьць , Памёршага і Уваскрослага дзеля нас; ды ў Духа Сьвятога,
які ўсё кранае, вядучы сусьвет і гісторыю да канчатковага прымірэньня. Тры асобы
ёсьць адным Богам, таму Айцец ёсьць любоў”ю, Сын ёсьць любоў”ю і Дух Сьвяты ёсьць
любоў”ю- сказаў Папа. “Бог ёсьць любоў”ю, любоў”ю празрыстаю, няскончанаю і вечнаю.
Не жыве ў цудоўнай самотнасьці, але ёсьць хутчэй нявычэрпнаю крыніцаю жыцьця, якое
безупынна даецца і перадаецца”- гаварыў Бэнэдыкт 16. Заўважыў далей, што мы можам
гэта інтуітыўна пазнаць, назіраючы як макрокосмас: нашу зямлю, планеты, зоркі, галяктыкі
так і мікракосмас: клеткі, атамы, асноўныя малекулы. “На ўсім, што існуе,
ў нейкім сэнсе ёсьць выціснута “імя” Найсьвятой Тройцы, таму, што ўсялякае існаваньне,
аж па найменшыя частачкі, ёсьць існаваньнем ў адноснах, ў якіх канчаткова прасьвятляецца
любоў Бога. Усё паходзіць з любові, накіроўваецца да любові і варушыцца дзякуючы
любові- сказаў Сьвяцейшы Айцец.