Zgjedhjet në Liban: fiton partia filo-perëndimore, humbin hezbollahët.
(08.06.2009 RV)Zgjedhjet janë zhvilluar dje edhe në Liban, ku “Alenaca e 14
marsit”, e udhëhequr nga filo-perëndimori, Saad Hariri, fitoi shumicën e votave, duke
marrë 71 nga 128 vendet e parlamentit. Opozitës së udhëhequr nga partia shiite filo-iraniane,
Hezbollah i shkojnë ndërkaq 57 vende. Zgjedhjet konsiderohen tepër të rëndësishme
për të ardhmen e Libanit, por gjendja është e vështirë për t’u interpretuar, siç shpjegon
në mikrofonin tonë ipeshkvi i Biblosit të Maronitëve, imzot Bekara Raji: Nuk
mund të themi se rezultati ka qenë sukses për njërën anë e humbje për tjetrën. Opinioni
publik priste një lloj ekuilibri. Edhe sepse Libani nuk mund të zhvillohet vetëm nga
një krah, në kuptimin që sistemi libanez bazohet mbi konsensusin e mbi pjesëmarrjen
e të gjitha fraksioneve. Mund të themi se rezultati është si e prisnin libanezët.
Kur flasim për shumicën apo opozitën në parlament, flasim në fakt, për një konflikt
rajonal e ndërkombëtar, një konflikt ndërmjet sunitëve dhe shiitëve. Këtu jemi gati
të telekomanduar nga marrëveshjet rajonale e ndërkombëtare.