Zgjedhjet administrative në Serbi: humbin ultranacionalistët.
(08.06.2009 RV)E vazhdojmë akoma me zgjedhje, kësaj radhe në Serbi. Në administrativet
e zhvilluara dje në disa komuna të vendit, humbi rëndë Partia Radikale serbe e liderit
ultranacionalist, Vojisllav Sheshelj, i cili ndodhet në Hagë, i akuzuar për krime
lufte. Fajin për këtë e ka ndarja, me largimin e delfinit të Shesheljit, Tomislav
Nikoliç, i cili është në krye të Partisë së re serbe të Progresit. Në kështjellën
e radikalëve, në Zemun, në periferi të Beogradit, kjo parti ka fituar 35% të votave,
ndërsa ajo radikale jo më shumë se 10%. Në shumicën e komunave ka fituar koalicioni
në pushtet, i kryesuar nga presidenti Boris Tadiç.