Кіеў.Старшыня Камісіі па СМІ пры Канфярэнцыі каталіцкіх біскупаў Украіны біскуп Віталь
Скамароўскі пасля таго, як быў адзначаны Дзень СМІ, заклікаў хрысціянскіх журналістаў
удасканальваць асваенне лічбавай прасторы.
Жыццёва важныя каштоўнасці - вось чаго недахоп у гэтай прасторы - лічыць біскуп.Спасылаючыся
да таго, што Папа Бенедыкт 16 звяртае многа ўвагі на сучасныя лічбавыя тэхналогіі,
задача каталіцкіх журналістаў працаваць так, каб зацікавіць карыстальнікаў лічбавых
сродкаў, у першую чаргу - Інтэрнета - сваім гарачым словам і пераказам падзей, што
адбываюцца ў свеце і ў душах людзей. "Дзень СМІ з'явіўся нагодаю падзякваць Богу
за хрысціянскіх журналістаў і ўсіх працаўнікоў галіны за тое, што даносяць хрысціянскія
каштоўнасці да людзей, - зазначыў біскуп Віталь.- Гэта ёсць заклікам да малітвы і
да таго, каб чалавецтва выкарыстоўвала сучасныя сродкі камунікацый на славу Божую
і дабро грамадстваў". Далей біскуп прыгадвае, што лічбавыя тэхналогіі карэнным чынам
змянілі мадэлі кантактаў і міжасабовых адносінаў. Асабліва сярод моладзі . "Маладыя
людзі камфортна адчуваюць сабе ў лічбавай парсторы, якая здаецца чужой для нас, дарослых.
Мы павінны б былі навучацца разумець і цаніць магчымасці для кантактаў"- сцвярджае
катліцкі дзеяч Украіны. Ён пэўны, што хрысціяне павінны браць з сучасных магчымасцей
карысць для сваёй і іншых душаў ды навучаць іншых культуры кантакту ў сусветнай сетцы.
"Для нас, вернікаў, - сцвярджае біскуп Віталь, - ...радыё, газеты, тэлебачанне і Інтэрнет
- важныя інструманты распаўсюджання Эвангелля. Таму мы павінны актыўна ўдзельнічаць
у Інтэрнет-форумах і дыскусіях, бо такім чынам стаемся носьбітамі праўды Божае".