Агульная Аўдыенцыя Сьвяцейшага Айца ў сераду 3-га чэрвеня
Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьвету. У часе сёньняшняе аўдыенцыі Сьвяцейшы Айцец працягваў
свой цыкл пра Айцоў Царквы. У сёньняшняй катахэзе Бэнэдыкт 16 пазнаёміў прысутных
вернікаў з постацю Рабана Маўра, сярэдневяковага тэолага. Ён нарадзіўся
каля 780-га году. Будучы юнаком быў даручаны апецы Айцоў Бэнэдыктынаў. Здабыў усебаковую
асьвету, не толькі тэалагічную але таксама і ў абьёме класычнае культуры. Быў экзегэтам,
філозафам, паэтам, душпастырам. Быў выбраны Абатам у Фульдзе ( Нямеччына)- сказаў
далейц Папа ў сёньняшняй катахэзе,- а затым быў назначаны Арцыбіскупам свайго роднага
гораду Майнцу. Дыяцэзыі Фульда, Майнцу, Лінбург ды Уроцлаў ушаноўваюць яго як Сьвятога. Праўдападобна-
зноў сказаў Сьвяцейшы Айцец- зьяўляецца аўтарам гімну “Вэні Крэатор Спірытус”.
Першы твор які напісаў меў загаловак: “Аб абажаньні Сьвятога Крыжа”. Абмяркоўвае
ў ім таямніцу збаўленьня, якая зьдзейсьнілася праз ахвяру Хрыста. Як знаўца хрысьціянскае
Літургіі намагаўся адукаваць у гэтым напрамку біскупаў і прэзьбітэраў.. Паясьніваў
тэалогіі літургічных знакаў і жэстаў.- сказаў на заканчэньне сваёй катахэзы Бэнэдыкт
16- спасылаючыся да Бібліі і Айцоў Царквы. Многа ўвагі прысьвяціў Сакраманту Пакуты,
царкоўнай дысцыпліне і адукацыі сьвятароў. На заканчэньне аўдыенцыі Папа
прывітаў ўсіх вернікаў, асабліва хворых, моладзь ды новыя шлюбныя пары надзяляючы
на ўсіх сваё Апостальскае Блаславенства