Koreja e Veriut: Kim cakton të birin si pasardhës, ndërsa përgatit provat me raketa
(03.06.2009 RV) Kreu i Koresë
së Veriut, Kim Jong-il zgjodhi sot si pasardhësin e tij në pushtet djalin e tretë,
26 vjeçar, Jong-un. Diktatori komunist duket se ka kaluar një iktus gushtin e vitit
që shkoi dhe gjendja e tij shëndetësore nuk është nga më të mirat. Nga ana tjetër,
mësohet se provat ushtarake të Piong-jangut mund të bëhen me raketa të kombinuara,
me rreze të mesme dhe të gjatë veprimi. Koreja e Jugut ka disllokuar anije me topa
kundër raketave në kufirin perëndimor me Veriun, në Detin e Verdhë, teatër ndeshjesh
të përgjakshme edhe në vitin 1999 e në vitin 2002. Këshilli i Sigurimit i OKB-së akoma
po diskuton për masat që duhen marrë, por sipas mendimit të Kinës e të Japonisë, që
kanë vënë në veprim mbrojtjen satelitare, ato nuk do të shërbejnë, nëse Koreja e Veriut
nuk ulet në tryezën e bisedimeve për çmilitarizimin bërthamor të gadishullit.