Imzot Çeli në Bogota të Kolumbisë, në takimin kushtuar komunikimeve shoqërore.
(03.06.2009 RV)“Zhvillimi i komunikimit kishtar, lidhur me zhvillimin e teknologjive
mediatike”: për këtë argument po diskutohet, ndërmjet tjerash, në takimin që u hap
sot në Bogota të Kolumbisë, me pjesëmarrjen e ipeshkvijve, meshtarëve e laikëve,
specialistë në fushën e komunikimit. Takimi, organizuar nga Këshilli Papnor për Komunikimet
Shoqërore në bashkëpunim me Celam (Konferencën ipeshkvnore latino-amerikane) si dhe
nga Rrjeti informatik i Kishës në Amerikën Latine (Riial), do të jetë një çast i rëndësishëm
dëgjimi e reflektimi, për të krijuar pastaj mundësitë e përcaktimit të detyrave të
së ardhmes, duke thelluar bashkëpunimin e vendeve të ndryshme, në përkim me situatat
e secilit. Një bashkëveprim i tillë do të ndihmojë fuqimisht për të favorizuar kumtimin
e Fjalës së Zotit, dmth për përdorimin e mjeteve të komunikmit në shërbim të ungjillëzimit.