Сьвяты Дух душою Касьцёла,- разважаньне Папы ў часе адгаварэньня Багародзічнае малітвы
"Каралева Неба" ў нядзелю 31-га мая
Урачыстасьць Сасланьня Сьвятога Духа ды вынікі і выклікі, што спалучаныя з прысутнасьцю
Трэцяе Божае Асобы ў жыцьці вернікаў былі прадметам разважаньня Папы перад гэтаю марыйнаю
малітваю. Бэнэдыкт 16 сказаў, што гістарычныя здарэньні з ерусалімскага Вячэрніка
ўчынілі з вучняў Хрыста сапраўдную місійную супольнасьць. Голас Сьвяты Дух ёсьць
душою Касьцёла. Чым ён стаўся б без Яго?. Быў-бы безумоўна вялікім гістарычным рухам,
трывалаю грамадзкаю ўстановаю, магчыма свайго роду гуманітарным агенцтвам. І такім
сапраўды бывае Касьцёл у вачах тых, якія глядзяць на яго з-за пэрспэктываў веры.-
сказаў Папа. У сапраўднасьці аднак Касьцёл у сваёй сапраўднай натуры і найбольш сапраўдных
гістарычных праяўленьнях ёсьць ствараны і ведзены Духам свайго Госпада. Гэта жывое
цела, якога жывучасьць ёсьць менавіта нябачным плодам Божага Духа”. На заканчэньне
Сьвяцейшы Айцец выказаў салідарнасьць з італьянскім рэгіёнам Абруццо, які паволі падносіцца
з трагічных вынікаў нядаўняга землятрасеньня. Тамашняя моладзь у гэтых днях зьбіраецца
навокал копіі крыжа Сусьветных Дзён Моладзі. Папа памаліўся за іх, каб атрымалі Духа
ўзмацаваньня і надзеі. Бачным знакам гэтага была прысутнасьць на Плошчы Сьвятога
Пятра групы дзяцей з ваколіц Аквільля, якія нядаўна прынялі Першае Сьвятое Прычасьце.
Яны поўнае ўдзельнічаньне ў Эўхарыстыі сьвяткавалі пад палаткамі, якія заступалі Касьцёл. Зьвяртаючыся
да польскіх пілігрымаў Папа сказаў: Голас (2) Сардэчна вітаю суродзічаў Слугі
Божага Яна Паўла ІІ. Гэта ён, 30-ць гадоў таму назад сказаў у Варшаве: “Хай зыйдзе
Дух Твой і адновіць аблічча зямлі. Гэтай Зямлі”. Мы ёсьць сьведкамі зьменаў, што
ажыцьцяўляюцца ў сьвеце. Аднаўленьне аблічча зямлі ёсьць немагчымае без пераменаў
чалавечых сэрцаў. Дзеля гэтага ўпрошваю: хай зыйдзе Дух Твой і адновіць нашыя сэрцы
ў Хрысьце”.