Папа Бэнэдыкт 16 робіць заклік да салідарнасьці і ўстрыманасьці ў абліччы крызісу
29-га мая Сьвяцейшы Айцец прыняў на аўдыенцыі новых паслоў пры Апостальскай
Сталіцы, якія склалі вярыцельныя граматы. Усе яны маюць рэзыдэнцыю па-за Вечным Горадам
ды прадстаўляюць Манголію, Індыю, Бэнін, Новую Зеляндыю, Паўднёва Афрыканскую Рэспубліку,
Буркіна Фасо, Намібію ды Нарвэгію. У сваёй прамове да іх Папа выказаў глыбокае
занепакоеньне з прычыны эканамічнага і сацыяльана крызісаў. Падкрэсьліў, што ў такой
сітуацыі трэба сабе нанова ўсьведаміць, што неабходным зьяўляецца ўзьняцьце намаганьняў
ў карысьць ўстанаўленьня сапраўднага міру, які сур”ёзна знаходзіцца пад пагрозаю нясправядлівасьці
і няроўнасьці, што ў сваю чаргу пагражае новым канфліктам. Бэнэдыкт 16 паклікаў
міжнародную грамадзкасьць да такой глабалізацыі, якая брала б пад увагу інтарэсы усёй
чалавечай сям”і. У гэтай мэце неабходным ёсьць моцная глабальная салідарнасьць паміж
багатымі краінамі а ўбогімі. “Мір магчыма будаваць толькі тады, калі ўздымаюцца дзеяньні
ў карысьць адважнага адстараняньня няроўнасьцяў, якія стварылі нясправядлівыя сістэмы,
каб усім запэўніць такі ўзровень жыцьця, які дазволіў-бы на годнае і памыснае існаваньне”-
сьцвердзіў Папа. Далей ў сваёй прамове да новых паслоў Бэнэдыкт 16 сказаў, што
сучасны сьвет стаіць ў абліччы новага зьявішча: апраўдываньня насільля рэлігійнымі
прычынамі. Гэта робіць тое, што часамі заўважваецца рэлігіі як пагрозу для грамадзтва,
дзеля чаго яны ёсьць атакаваныя і дыскрэдытаваныя. Сьцвярджаецца, што не ёсьць яны
фактарам міру. Сьвяцейшы Айцец прыпомніў, што абавязкам рэлігійных кіраўнікоў ёсьць
дапамога веруючым людзям і навучаньне іх, каб узрасталі ў сьвятасьці і здолелі па
сапраўднаму інтэрпрэтаваць Слова Божае. “Я перакананы, што рэлігіі адыгрываюць
незаступную ролю ў фармаваньні сумленьняў і могуць прычыніцца да ствараньня згоды
ў грамадзтве”- сказаў на заканчэньне Бэнэдыкт 16.