Liturgjia e Fjalës së Zotit e solemnitetit të Rrëshajve
(30.5.2009 RV)Dëgjues të nderuar të Radio Vatikanit, ja përsëri në takimin
tonë javor të së shtunës me Fjalën e Zotit të dielës. Kësaj herët do të dëgjojmë
dhe meditojmë së bashku leximet biblike të liturgjisë hyjnore të solemnitetit të Rrëshajve,
festës së Zbritjes së Shpirtit Shenjt Zot mbi Apostujt e mbledhur në Çenakull: që
nga ajo ditë, historia e njerëzimi ka një hov apo shtytje të ri. Kanë kaluar
50 ditë nga solemniteti i Pashkëve e sot, me Kishën në festë, kremtojmë dhuratat që
Jezu Krishtit Zot na i ka falë: Shpirtin Ngushëllues që vjen nga Ati Qiellor e që
na është dhuruar në zemrat tona, në mënyrë që të mund të ecim e të jetojmë sipas Shpirtit
të Zotit e t’i mishërojmë vepra e tija në jetën e në marrëdhëniet tona të përditshme
me tjerët. Festa e Rrëshajëve, ardhja e Shpirtit Shenjt mbi Apostujt, shënon
ditëlindjen e Kishës dhe ditëlindjen e gjallërimit tonë si besimtarë e dëshmitarë
të Krishtit të Gjallë, Shpëtimtarit të njerëzimit. Pra, nga kjo ngjarje, Shpirti Shenjt
Zot banon në shpirtin tonë njerëzor, Zoti është bërë më i afërt, më intim me ne, se
sa ne jemi me veten tonë, thotë Shën Agostini. Kështu, festa e Rrëshajëve na siguron
se Zoti nuk na braktis kurrë, por Ai është miku e shoku i përjetshëm i udhës sonë
në jetë. Është Shpirti Shenjt Zot që na jep kuptimin e ri të misterit të
Jezusit. Pa Të është e pamundur të depërtojmë në këtë mister. Është Shpirti Shenjt
që na bën të aftë t’i lexojmë ngjarjet në dritën e fesë, në fenë e Krishtit që është
dhuratë e tij Me kremtimin e solemnitetit të festës së Rrëshajëve, Kisha e
mbyll ciklin e Pashkëve për të vijuar me kohën e rëndomtë liturgjike gjatë vitit.
Leximet biblike të festës së Rrëshajëve dhe komentin e dom Mark Shtjefnit, mund t’i
dëgjoni në faqen tonë të internetit. Leximet biblike të festës së Rrëshajëve
nga: Vp 2,1-11; Gal 5,16-25; Gjn 15,26-27;16,12-15 dhe komentin nga dom Mark Shtjefni,
mund t’i dëgjoni në faqen tonë të internetit....