Рым. Тут адбудзецца канфярэнцыя-прэзентацыя "Турыстычнымі шляхамі Беларусі і Украіны."
Турагенства "Урарту-травел" і ватыканскае агенства Пілігрымак раскажуць італьянцам
аб гісторыі, святасці і прыгажосці гэтых славянскіх краін.
Ад нашай краіны свае гасцінныя магчымасці прадставіць агенства "Беларыенцір" . Галоўная
задача - пераканаць патэнцыяльных наведвальнікаў нашай Беларусі ў гатоўнасці адказаць
на галоўнае запытанне пілігрыма і турыста - якасць-цана, асабліва ў гэты крызісны
перыяд. Дарогі святасці, цудатворныя іконы і начныя чуванні пілігрымаў, народныя
хрысціянскія традыцыі і турпаходы па блакітных азёрах, канцэрты і мастацкія галерэі
- усё гэта чароўна. Але, нажаль, як сцвярджаюць беларускія тур-аператары, цэны ў краіне
завышаныя і даходзяць ужо да заходніх, дык цяжка спадзявацца на моцнае развіццё галіны.
Аднак гэтыя задачы яны гатовыя вырашаць на месцы. Тут жа, у Італіі, на прэзентацыі,
паімкнуцца паказаць, што пры шчырым падыходзе да справы ёсць вялікая магчымасць развіваць
розныя формы пілігрымак і турызма ў Беларусі. На канфярэнцыі выступяць прафесары
Рымскага універсітэту, якія спецыялізуюцца на вывучэнні рэлігіі і культуры славянскіх
краін, сведкі наведання Беларусі, прадстаўнікі "Белавіа". Запрошаны журналісты вядучых
СМІ Італіі. Канфярэнцыя арганізаваная пры падтрымцы пасольстваў Беларусі і Украіны.
Гэтая краіна цікавіць многіх, асабліва дзякуючы чэмпіянату Еўропы па футболе "Еўра
2012", які пройдзе на Украіне і Польшчы.