Пробашч з Арсу Жан Мары Вянэ будзе патронам усіх сьвятароў
Праз тры тыдні пачнецца Год Сьвятарства. Папа Бэнэдыкт 16 прадказаў яго 16-га сакавіка,
сустракаючыся з удзельнікамі Пленарнае Сэсіі Кангрэгацыі да спраў Духавенства. Год
Сьвятарства будзе праходзіць пад лозунгам: “Вернасьць Хрыста, вернасьць сьвятара”. Сьвяткаваньні
пачнуцца 19-га чэрвеня, ва ўрачыстасьць Найсьвятога Сэрца Ісусавага. Сьвяцейшы Айцец
дасьць пачатак Году Сьвятартсва ўрачыстаю Вячэрняю, што будзе адпраўлена ў Ватыканскай
Базыліцы. У Рым будуць прывезеныя з Францыі мошчы Сьвятога Жан Мары Вянэ, якога 150-ці
годдзе ад дня сьмерці прыпадае 4-га жніўня, сёлета. Ён ушаноўваецца ад 1928-га году
як Патрон Пробашчаў. Папа абвесьціць яго пры гэтай нагодзе Патронам усіх сьвятароў
сьвету. Кангрэгацыя да спраў Духавенства заахвочвае біскупаў з цэлага сьвету, каб
спалучаючыся гэтага дня з Папам Бэнэдыктам 16, далі пачатак Году Сьвятартсва ў кожнай
катэдры ці ў іншых санктуарыях сваіх дыяцэзый. Чарговаю ініцыятывую гэтага юбілейнага
году будзе публікацыя “Указаньняў для спаведнікаў і духоўных кіраўнікоў” ды збор
высказваньняў Бэнэдыкта 16 аб жыцьці і місіі сьвятароў у нашых часах. Год Сьвятарства
закончыцца Сусьветным Днём Сьвятароў ва ўрачыстасьць Найсьвятога Сэрца Ісусавага 11-га
чэрвеня 2010-га году.