Mianmar: Obama, të lirohet menjëherë e pa kushte Aung San Su Çi
(27.05.2009 RV)Mbajtja në burg e Çmimit Nobel për paqen, birmanes Aung San
Su Çi është arbitrare dhe e pajustifikuar. Kështu përfundon një raport i OKB-së për
çështjen e disidentes së Mianmarit, e cila u pyet edhe sot në procesin që e akuzon
se ka thyer arrestin shtëpiak, duke folur me një amerikan. Presidenti amerikan
Barak Obama kërkoi sot lirimin e saj të menjëhershëm e pa kushte. “Burgimi i vazhdueshëm
i Aung San Su Çi, izolimi dhe procesi i saj farsë, bazuar mbi akuza të gënjeshtërta,
zgjojnë dyshime serioze për vullnetin e regjimit birman që të bëhet anëtar i përgjegjshëm
i bashkësisë ndërkombëtare”, shtoi Obama.