Папа на Монтэ Кассына: бэнэдыктынскія рэгулы будуюць мір ды адзінства духа
А гадзіне 17-й паводле італьянскага часу Папа адслужыў Вячэрню ў тамашнім манастыры.
У казаньні спаслаўся да эпіграфу манастыра: “Succisa virescit” ( сьцятае дрэва зазялянела).
Супаставіў яго да здарэньняў 65-ці гадоў таму назад, калі вайна зьнішчыла манастыр,
аднак ён адрадзіўся з новаю сілаю. Словы эпіграфу ўказваюць таксама асноўную для
хрысьціянскага жыцьця праўду, што жывём ужо не для сябе, але для Хрыста, які дзеля
нас памёр і уваскрос. Прыкладам гэтага ёсьць Сьвяты Бэнэдыкт, які моцна хадзіў па
зямлі, ды адначасна сэрцам прабываў у небе. Дзякуючы гэтай ласцы ён мог ажыцьцявіць
ў манашай супольнасьці ідэал жыцьця для Хрыста. “Так, Бэнэдыкт быў прыкладам сьвятасьці
і паказаў манахам Хрыста як адзіны вялікі ідэал,- сказаў Папа. Быў настаўнікам цывілізацыі,
ўказываў моцныя патрэбы і рацыі сэрца для навукі і ўзбуджаньня сапраўднага ды трывалага
братэрства, каб не загубілася еднасьць духа, якая здольная будаваць і падтрымліваць
мір. Не прыпадкам слова “Pax” вітае пілігрымаў і гасьцей ля варот гэтага манастыра,
адбудаванага пасьля страшнага катаклізма Другой Сусьветнай Вайны. Узносіцца яно быццам-бы
ціхі заклік да адстараняньня ўсялякага насільля дзеля пабудовы міру: ў сем”ях, ў супольнасьцях,
паміж народамі і сярод усяго чалавецтва. Сьвяты Бэнэдыкт узывае кожнага, хто прыходзіць
на гэтую гару, да шуканьня міру ды імкненьня да яго”,- сказаў Папа. Апошнім пунктам
візыту Бэнэдыкта 16 ў Монтэ Кассіна было наведаньне польскіх ваенных могілкаў. Там
Сьвяцейшы Айцец маліўся пра вечную радасьць для памёршых ды суцяшэньне для тых, якія
надалей зазнаюць дасьвечаньне вайны ў нашых часах. Прасіў выліцьця Сьвятога Духа
на чалавецтва, каб зразумела яно, як вялікім скарбам ёсьць мір, і каб чалавецтва будавала
будучыню сьвету на пашане да жыцьця. Пасьля гэтага візыту на польскіх могілках
Папа Бэнэдыкт 16 вярнуўся ў Ватыкан.