(25.05.2009 RV)Në Somali kanë rifilluar ndeshjet me armë ndërmjet ushtarëve
të qeverisë së moderuar të tranzicionit dhe milicive radikale islamike. Teatër i ndeshjeve
është sidomos kryeqyteti Mogadisho, i cili nga një moment në tjetrin mund të bjerë
në duart e rebelëve. Në dy javë regjistrohen rreth 200 të vdekur e 700 të plagosur.
Mbi zhvillimet e fundit, të dëgjojmë ish-përgjegjësin e qeverisë italiane për procesin
e paqes në Somali, Mario Rafaeli: Situata është e vështirë, sepse pjesa radikale
e opozitës islamike, po përpiqet, me të gjitha mënyrat, të pengojë konsolidimin e
qeverisë së re, të lindur pas marrëveshjes së Xhibutit, nën udhëheqjen e njërit prej
krerëve të kohortave islamike të kohës kur ato kontrollonin Mogadishon. Kohët e fundit,
Komisioni për paqen dhe sigurinë e Bashkimit Afrikan e ka akuzuar hapur edhe Eritrenë
se mbështet radikalët. Është e rëndësishme që të bëhen hapa të tjerë pas të parit,
që formoi qeverinë islamike të moderuar.