"Працягвайце маліцца за мір у Іраку" - з такім заклікам да католікаў свету звяртаецца
патрыярхальны вікарны біскуп Багдаду Экселенцыя Вардуні.
Папа знайшоў словы любові да іракскага народу падчас свайго візіту ў Святую Зямлю.
Да таго ж паказаў вельмі добрае веданне актуальнай сітуацыі ў гэтай краіне. Пра гэта
расказвае монс. Шлеман Вардуні пасля агульнай аўдыенцыі у сераду, 20 мая, калі Папа
падвынікаваў сваё апостальскае падарожжа на сустрэчы з вернікамі, сказаўшы аб сваёй
пастаяннай малітве за хрысціян Блізкага Ўсходу. "З намі, іракцамі, што прыбылі
каталіцкай дэлегацыяй ў Аман, Папа быў вельмі ласкавы, - расказвае ў друку вікары
Багдаду. -Выказаў задавальненне тым, што Ярданія ўзяла сабе за абавязак вартага
утрымання людзей у лагеры іракскіх ўцекачоў. Прасіў палітыкаў і рэлігійных дзеячаў
зрабіць усё магчымае, каб Ірак аднайшоў мір і там пачнуць паважаць правы хрысціянскай
грамады." Як расказвае багдадскі біскуп, ёсць некаторае паляпшэнне сітуацыі ў Іраку,
але тонэль яшчэ доўгі. Гэтымі днямі - чарговая трагедыя - у Кіркуку захоплены хрысціянскі
настаўнік, а ў Мазуле забіта 5-гадовае хрысціянскае дзіця. "Я прасіў Папу не спыняцца
і маліцца за Іракцаў, - расказвае монсіньёр Вардуні.- Калі нас абдымаў, мы разумелі
- абдымае цэлы Ірак".